SH.K.A."SAMI ZENDELI"
Për të mos i lënë në spontalitet, problemet e kulturës e të arteve, të zonës, bëhet formimi i Shoqërisë Kulturore Artistike "SAMI ZENDELI". Grupi u krijua në vitin 1976, dhe me veprimtaritë që organizoi fitoi popullaritet. Zuri edhe vende të ndryshme në rang republikan, më vonë edhe me gjërësisht. Iniciativa u mor nga Zejnulla Bilalli, si kryetar i shoqërisë ishte Enver Bilalli, atëherë drejtor i shkollës në Negotinë, duke pasur veprimtarë të shumtë nga e tërë zona. Veçojmë disa prej tyre, si këngëtari Vebi Sejdini,Sabajdin Bilalli, që është mësues i muzikës dhe zotëron mirë instrumentet muzikore. U aktivizuan edhe Arif Demiri, Gani Dauti me çifteli, Lazam Salii me gajde,etj. Në Negotinë funksionon edhe Shtëpia e Kulturës "SHOTA"(ish Vëllazërim Bashkimi") e pajisur me aparaturë të nevojshme për koncerte. Në shoqëri u përfshinë edhe disa amatorë të valleve e të këngës. Me ngjarjet e vitit 1981 u morrën masa shtërnguese antishqiptare dhe e pezulluan edhe veprimtarinë kulturore e spotive, duke u bërë hapa mbrapa në kulturën kombëtare. Që më vonë në vitet 85/86 të bëhet riformimi i shoqërisë dhe sot e kësaj dite ajo egziston dhe punon,vlen të përmendet vendi i dyte në festivalin "Shari Këndon" në vitin 1997,poashtu edhe në Dibër (Shqipëri), Strugë,"Këngë Jeho",etj.